Aizawl District-ah thubuai 2238 ziaklut tawh

Kumin January thla atanga November thla tawp thleng khan Aizawl District-ah Police ten thubuai 2238 ziaklut tawhin heng zinga 920-ah te chuan Charge Sheet siam a ni tawh.

Nimin khan Aizawl SP Conference Hall-ah IGP (L&O) Neihchungnunga IPS hovin ‘District Crime Review Meeting’ neih a ni a, he huna tarlan a nih danin kumin chhung hian Aizawl District-a Police Station hrang hrangah thbuai 2238 ziahluh ni tawhin heng zingah hian rukruk kaihhnawih (Burglary/theft) tam berin thubuai 1556 zet ziahluh a ni a, heng zinga thubuai 519 te chu Charge Sheet tawh a ni a, Case 293-ah Conviction hmuh a ni tawh bawk. IPC (Indian Penal Code) hnuaia thubuai ziahluh dang zingah Murder (Tualthah) case 10 ziahluh niin thubuai 7-ah Charge Sheet siam a ni tawh a. Motor Accident fatal (motor accident thihna thlenna) case 26 register awmin, Case 19 charge sheet tawh a ni a. Hurt/Affray (Kut inthlak/insual buai) thubuai 40 ziahluh tawh niin, thubuai 29 charge sheet tawh a ni a, a dang te hi chhui zui mek a ni.

Local and Special Law hnuaia thubuai ziahluh zingah hursualna laka naupangte venhimna Dan, POCSO Act hnuaiah thubuai 35 ziahluh niin heng zinga 270-ah te chuan Chergesheet ziahluh a ni tawh a. Arms Act (Dan lova silai kawl leh hman) kaihhnawih ah thubuai 11 ziaklutin heng zinga 6 chu Chargesheet tawh a ni. ND&PS Act (Ruihhlo kaihhnawih) ah thubuai 21 ziahluh ni tawh bawkin heng zinga 18 Chargesheet tawh a ni. MLP Act (Zu kaihhnawih) hnuaiah thubuai 117 ziahluh niin thubuai 81-ah Chargesheet thehluh tawh a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar