Tualthattu damchhung tang tura hrem a ni

Kumin May 16-a Chhiahtlang leh Bukpui inkara Lalsangzuala ruang chhar chungchang ah tualthattu a.puh Laldinthara chu damchhung Lung In tang tura hrem a ni.



Kumin May ni 15 zing dar 5 vel khan Chhiahtlang atanga Bukpui luh hma kawngthlang metre 20 velah mipa ruang chhar a ni a, a hnuah ruang hi Pu Lalsangzuala kum 31, Aizawl Mission Vengthlang a ni tih finfiah a ni a. He tualthihna chungchang chhui chiang tur hian Serchhip SDPO, Pu Kaste Romalsawma kaihhruai Special Investigation Team din a ni.

Special Investigation Team hian ngawrh taka thil an chhui zui hnuah Aizawl DEF nen tangdunin May ni 17 khan he pawikhawihnaa mawhphurtu-a puh Laldinthara kum 42, Khawruhlian Vengchung ni-a inchhal chu Aizawlah an man a, Police hmaa a inpuanna atangin  Laldinthara hian an inhnial buai avanga kut hi thlak niin a insawi a. Lalsangzuala hi a thah hnuah Maxicab hmangin Aizawl a pan nghal niin a sawi. 

Tualthatu Laldinthara hi IPC Section 302 hnuaiah tualthat thubuai siamsak a ni a, thubuai ngaihtuahtu Aizawl Judicial District-a Addl. Session Judge, Pi Ngursangzuali Sailo chuan, thuhretute thusawi leh finfiahna chi hrang hrang awmte a endikna atangin pawikhawihtu-a puh Laldinthara chu puh a nihnaah hian nimin khan thiam loh a chantir a. Vawiin khan hrem a nih dan tur puangin, Laldinthara chu hrehawm taka dam chhung lung tang tur leh cheng sing 1 chawi turin a hrem a. A sum chawi tur hi a pe thei lo a nih chuan ni 90 dang a tan belh a ngai dawn a ni.

#Zonet #Chanchinthar #News

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni