Swadesh Darshan 2.0 Scheme-a hmalakna tur sawiho

/

Sawrkar Laipui Ministry of Tourism hnuaia Swadesh Darshan 2.0 Scheme kaltlanga Champhai District-a Tourism kawnga hmalak dan tur chu nimin khan Champhai-ah District Bawrhsap hova sawiho a ni.

Swadesh Darshan 2.0 Scheme kaltlang hian Mizoram-ah Aizawl leh Champhai District te Tourism kawnga hmalakna atan thlanchhuah niin, he Project kalpui chhung hian Champhai District-ah cheng nuai 9000 hmanga hmalak tum a ni a. Tun dinhmunah Tlangsam, Zotlang, Keilungliah, Vangchhia, Farkawn leh Dungtlang-ah te hmalak tum a ni a. Swadesh Darshan 2.0 Scheme enkawltu company EGIS atangin Marketing Expert Manish Uniyal leh Urban Designer Simranpreet te chuan Champhai tlawhin Tourism hmunhma te an tlawhkual hnuah nimin thutkhawm ah hian hmalak tul hrang hrangte sawiho a ni.

Nimin-a thutkhawm ah hian Champhai DC James Lalrinchhana chuan Champhai District chu pipute sulhnu hmun pawimawh tak tak leh khualzin te hip thei tur hmun pawimawh leh mawi tam tak awmna a nin thu sawiin, heng thatna leh theihna awmte haichhuak tur leh hmang tangkai turin Swadesh Darshan 2.0 Scheme chu tha taka kalpui ngei anih a beisei thu a sawi bakah he huna tel te chu theihtawp chhuah turin a chah a. Champhai DIPRO C. Lalremruati chuan Champhai District-a Swadesh Darshan 2.0 hmalakna kal mekte leh hmachhawpte tarlangin, he thutkhawm ah hian Champhai District tana Swadesh Darshan 2.0 kalpui zel dan tur te, hmalak hmasak tul te, ruhrel ruahman tul te, training ruahman ngai te leh Swadesh Darshan 2.0 promote zel dan tur hrang hrang te sawiho a ni bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »