Serchhip Photographers' Association kum 10-na lawm

/

Serchhip Photographers' Association (SPA) chuan nimin khan an kum 10 tlin lawmna neiin kum 2024 chhunga hruaitu tur thlanna an nei.
 Serchhip Mat Phai CMS Picnic Spot-a he hun hman hi SPA Adviser James Lalsiamliana chuan khuallian nia hmanpuiin Photography chu profession ropui tak, eizawnna atana tlak a nih thu sawiin, Mizoram hmun hrang hrangah mi tam takin eizawn nan an hmawng mek tih a sawi a. Pawl anga an awmho anih chuan member ten hma an sawnna turin kawng hrang hrang ah an inpuih tawn a pawimawh thu a sawi bawk.

SPA kum 10 tlin lawmna hi Executive Member Zoramthanga Ralte chuan kaihruaiin an President hlui, F. Ramfangzauva chuan SPA chanchin a sawi bawk a. SPA hi December 14, 2013 khan din a ni a, tun dinhmunah Member 31 an awm mek a ni.

He hunah hian kum 2024 chhunga SPA hruitu tur thlanna neiin President atan Ramfangzauva (New Serchhip) leh Secretary-ah Lalthianghlima (Vengchung) bakah hruaitu dang te thlanchhuah an ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »