No Tolerance Drive nei tan

Serchhip Traffic Police te chuan nimin atang khan Serchhip khawpui chhungah ngaihhnathiamna tel lova Traffic Dan bawhchhiate enfiah runpui, 'No Tolerance Drive/Checking' an nei tan.
Serchhip Addl. SP in thuchhuah siama a lo tarlan tawh angin Krismas leh kum thar hunpui lo theng turah mi tinin dam leh hlim tlang taka he hunpui hi an hman theih nan nimin atang khan Serchhip-a Traffic Police te chuan Serchhip khawpui chhung hmun hrang hrangah Traffic dan bawhchhiate enfiah runpui, 'No Tolerance Drive/Checking' an nei a. Nimin a ni hmasa berah khan Serchhip Bazar-ah lirthei te hi enfiah tan niin nimin tlai thleng khan lirthei 180 enfiah an ni a, heng atang hian Dan bawhchhia mi 12 manin heng mite pawisa chawi tlingkhawm chu Rs. 32,500/- a tling a, dan zawm loh zingah Insurance fello/nung lo chu a langsar ber a ni.


Nimin atanga 'No Tolerance Drive/Checking' neih hi tun thla ni 20, karleh Nilaini thleng kalpui tura ruahman a ni a, lirthei enfiah tawh te hi chhinchhiahna (Sticker) pek zel niin a tahtawl in lirthei te enfiah vek tum a ni a. Lirthei khalhtu zawng zawngte chu dan zawm a, fimkhur taka lirthei khalh theuh turin Police te chuan an ngen a. Lirthei document fel lo-te pawh mahni lirthei document-te lo tifel turiin an hriattir bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni