Serchhip District Jail-ah tang mi 8 rawn sawn

Central Women Jail, Aizawl-a tang mi 8 te chu nimin khan Serchhip District Jail-ah rawn sawn an ni.
Tunhnaiah Mizoram-a Jail thenkhat ah tang an tawt avanga semrualna tura sawrkar hmalakna kal mekah nimin khan Central Women Jail, Aizawl-a tang hmeichhia 8 te chu Serchhip District Jail-ah rawn sawn an ni a, an zinga mi 6 te hi Rigorous Imprisonment, rim taka hna thawk chunga tang tur niin midang pahnih te hi Simple Imprisonment an ni thung a. Hemi hmalam hian Central Women Jail, Aizawl-a mi 7 te chu Mamit District Jail-ah sawn an lo ni tawh bawk a ni.

Heti hian tun dinhmun ah Serchhip District Jail-ah tang mipa 62 leh hmeichhia 12, an vaiin 74 an awm mek a ni.