Prime Minister in Viksit Bharat@2047: Voice of Youth a tlangzarhna Governor in a lo chhim

Prime Minister Narendra Modi chuan nimin khan Video Conferencing kaltlangin ‘Viksit Bharat @2047: Voice of Youth’ a tlangzarh a, he hun hi Mizoram Governor Dr. Hari Babu Kambhampati chuan Raj Bhavan atangin a lo chhim a. Hemi hnu hian MZU, ICFAI leh NIT-a Vice Chancellor leh Registrar te chu hmalak dan tur a sawipui chhunzawm nghal a ni.

Tunah hian India ram hi Developing Country ni mekin Viksit Bharat @2047 hmalakna atangin kum 2047-ah chuan India ram chu Developed Country nih tuma hmalak mek a ni a. Governor Dr. Hari Babu Kambhampati chuan MZU, ICFAI leh NIT hotute a sawipuina ah hian Prime Minister-in kum 2047 tawp lama India ram Developed Country a hlankai a nih theihna atan hmalakna leh chonna a chhawpchhuah chu ropui a tih thu a sawi a. Developed Country kan nih theihna turin khua leh tui te chu Developed Citizen kan nih hmasak a pawimawh thu Prime Minister in a sawi pawh a tuihnih bawk.

Governor chuan Developed Country ni turin kan ramah hnathawktu zinga tam ber leh thahrui ngah zawk thalaite an pawimawh ber tih sawiin, thalaite chu Viksit Bharat @2047 hmalakna atana rawn penchhuak turin a sawm a. “Thalaite hi Developed Country kan nih theihna atana thawktu pawimawh ber leh a hlawkna teltu tur te an ni,” a ti bawk.

He hunah hian Mizoram University atangin Vice Chancellor Prof. Dibakar Chandra Deka leh Registrar Prof. Lal Nundanga te telin ICFAI Mizoram atangin Vice Chancellor Prof. Bijay Singh leh Registrar Dr. David Lawmzuala te bakah NIT Mizoram atangin Registrar Prof. Ajmal Koya Pulikkal te an tel a. Mizoram-a ‘Viksit Bharat @2047: Voice of Youth’ kalpui dan tur ruahmanna (strategies) a sawipui a. Vice Chancellors leh Registrar-te chu anmahni University hnuaia Affiliated College leh Educational Institute zawng zawngte nen Workshop nei tura chah nghalin, a remchang anga Review Meeting a la neih pui tur thu a sawi bawk.