Naktuk-ah Session nei dawn

Mizoram Legislative Assembly 9-na thut-khawm hmasa ber chu naktuk, December 12, 2023 chawhma dar 10:30 hian Aizawl-a Assembly House-ah neih tan a ni dawn a, tun tuma thutkhawm hian ni thum chhung a awh ang.

Thudawn danin thutkhawm tan ni-ah MLA thlan tlinte chu Protem Speaker Lalfamkima'n thutiam tirin Assembly member atan a la lut ang a. Hemi zawhah hian Speaker thar thlanna buatsaih a ni ang. Assembly inkhawm hi Nilaini-ah chhunzawm in thil dang ti lovin Larsap-in dan angin Assembly-ah thu a sawi anga. Thu a sawi zawhah a thusawi chunga lawmthu sawina Motion putluh a ni ang. Ningani-ah Minister lo ni tawh MLA hlui Lalbiakzuala sunna hun hman a ni anga, chumi zawhah Deputy Speaker thlan a ni ang. Deputy Speaker thlan zawhah hian Larsap thusawi a lawmthu sawina Motion chu sawiho a ni anga. Sawihona tlangkawm a nih hnuah Speaker Assembly inkhawm hi tihtawp a ni ang.

Assembly Speaker thlanna neih turah hian Vawiin tlai thleng chuh tumte tan hming pekluh theih niin tun thlengin chuh tuma hming pelut an la awm lo a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni