Leimin in hnathawktu chhilh

Inrinni tlai khan Serchhip Leisang Veng-a In sak lai-a lei tawlh thutin hnathawktu mi pahnih a chhilh a, vanneihthlak takin nunna chan lovin chhanchhuah an ni.
Inrinni tlai dar 4:00 pelh hret ah khan Serchhip Leisang Veng Presbyterian English School peng bul-a K. Lalbiaktluanga In sak mekah a ban thlang ber leh a dawttu inkara RCC Retaining Wall siamna tur innghahna an laih mek, ft. 12 vela zau chu min thutin helai hmun a hnathawk mi pahnih te chu a chhilh a. He vanduaina a thlen veleh hian mi tlawmngai te tlankhawm nghalin Abdul Hasim (18) chu tlai dar 4:30 velah lakchhuah niin Serchhip Damdawi In panpui nghal a ni a, dar 4:55 velah Abdul Monaf (18) pawh lakchhuah leh nghal a ni a, Serchhip dam-dawi In panpui nghal niin First Aid pek an ni a, ngaihtuahawm an ni lo thung a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni