Vawiin-ah Mizoram sawrkar thar lakluh tum a ni

Assembly Inthlanpui neih zawh a nih hnuah Lalduhoma kaihhruai ZPM sawrkar chu Vawiin hian lakluh a ni dawn ta.

Sawrkar thar lakluhna hun hi Vawiin chawhma dar 11:00 hian Raj Bhavan Circular Lawn-ah neih tura ruahman niin khaw awmdan in a zir lo a nih erawh chuan Assembly Annexe Building-ah neih zawk tur a ni dawn a, Chief Minister atan Lalduhoma leh Council of Minister tur mi 12 te lakluh tura ruahman a ni. ZPM sawrkar-a Cabinet Minister turte hming hi puan a la ni lova, nimin khan Val Upa Council leh Chief Minister tur, ZPM Leader Lalduhoma te hi inhmuin thutlukna siamfel tura ngaih an ni.

Hun rei tak atanga Mizoram politics-a party pahnih sawrkarna lo awm tawh thin chu rawn siam danglamin, ZPM hian Mizoram Assembly inthlan zawh takah Seat 27 la in sawrkarna thar siam turin a in buatsaih a, rorellai MNF chu seat 10 la in paih thlak a ni. Zoram People’s Movement (ZPM) hi party kum 6 chiaha upa ni mahse ‘Kalphung Thar, Mipui Sawrkar’ an aupui chu mipui hnenah tiamin Chief Ministerial Candidate atan Serchhip bial-a thlantlin Lalduhoma chu dah a ni a, Inthlanpui a hnehna an chan hnuah sawrkar thar siam turin an inbuatsaih mek a ni.