Aizawl-ah ‘Fimkhurna Hapta’ hawnna neih a ni

Zoram Drivers’ Union (ZDU) buatsaih ‘Fimkhurna Hapta’ vawi 49-na chu nimin khan Aizawl-ah pawh Traffic SP Stephen Lalrinawma chuan a hawng.

Chaltlang Lily Veng ZDU Pisa-a a hawnna inkhawmah hian Traffic SP chuan, ZDU in Fimkhurhna Hapta a hmang thin chu a tangkai thu a sawi a, khawvel pumah lirtheia chetsualna avangin kumtin mi nuai 13 vel thi thin anga chhut a ni a, nitin mi 3,287 thin ang a nih avangin lirthei-a chetsualna ti tlem tura tan lak a ngaih thu a sawi a. India-a lirthei chetsualna thleng thin zaa 75 chu a khalhtu fimkhur tawk loh avang a nih thu sawiin, a dang zawng chu kawng that loh vang a nih thu a sawi bawk. Traffic SP chuan, lirthei-a chetsualna tam chhan zinga pakhat chu kawng that vang a nih thu sawiin, tunhnaia Mizoram inkalpawhna kawng siam that leh siam mekte chu zawh a nih chuan lirtheia chetsualna a tam theih thu sawiin, kawng tha a tlan dan chin tawk thiam a pawimawh thu a sawi bawk. Fimkhurna Hapta hi tun thla ni 14 thleng hman tura ruahman a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man