Zo United hruaitu ten NGO hruitute an kawm

Zo United hruaitute chuan nimin khan Aizawl-a Central YMA Committee Room-ah Mizoram NGO Coordination Committee hruaitute an kawm a, kawng engkima anmahni tanpuia, an hnung dâwmsak tlattu, Mizorama Mizo mipuite chungah lawmthu an sawi a, theihtawpa tanpui zel tur leh an hmelma te laka tangho zel turin an ngen bawk. Zo United hruaitute chuan nimin thlenga Zohnahthlak khua halsak tawh zat chu khaw 203 niin chenna In hal zat chu In 8166 a ni tih sawiin, heng mite tana awm lailawkna tur (Relief camp) 200 siam a nih tawh thu an sawi a, Chenna In nei lova awm tawh chin (displaced people) chu mi 50,000 chuang an nih thu leh buaina avanga nunna chan hi mi 151 an tling tawh tih an sawi a, Relief Camp-a awm mi 42 laiin nunna an chan tawh niin an sawi bawk.