Vote 10,585 a tla tawh

Mizoram MLA Inthlanpui neih turah Postal Ballot hmanga vote thlak kalpui mek zel niin vote 10,585 a tla tawh. Naktuk November ni 7-a Mizo-ram Legislative Assembly General Election neih turah Election Commission of India ruahman angin kum 80 chin chunglam leh Vohbikte tan mahni In lama vote thlak, ‘Home Voting’ kalpui a nih bakah inthlan kaihhnawiha duty tur Polling personnel, Official dangte leh inthlan ni-a Essential Service duty turte tan Facilitation Centre-ah te vote thlak a ni bawk a, CEO Office tarlan danin, Inrinni tlai dar 5 thleng khan Home voting ah vote 2,059 leh Facilitation Centre ah vote 8,526, a vaiin vote 10,585 a tla tawh a ni.