Ramri khar sawihona nei

Nimin khan Siaha-ah District Election Officer Lalhmunsanga Hnamte hovin inthlanpui neih tura venhimna lam thawktute chu an thukhawm a, Election Commission of India in inkaihhruaina a siam (SOP for 72 Hours) angin International Border leh Inter-District a venhimna thawktute chu vote thlak hma ni thum (P-3) atangin khauh taka venhimna kalpui turin a ti a. Assembly Constituency huamchhunga motor lut leh chhuak te chuan Silai leh dan phalloh thil an phurh leh phurh loh te endik tura tiin hei hian inthlan result puan ni thleng a huam dawn a. He thutkhawm ah hian DEO chuan Siaha District chu Myanmar nena ramri nei anih avangin fimkhur a tul zual tih sawiin, venhimna thawktute chu khauh zawka venhimna hna thawk turin a chah bawk.