Vawiin thleng Postal Ballot in Vote thlak theih

Assembly Inthlanpui neih tur atana Postal Ballot hmanga Vote thlakna hun chu Vawiin hian a tawp dawn ta a, nimin tlai thleng khan inthlanna a Duty tur mi 569 ten Postal ballot hmangin Vote an thlak tawh a ni.
Inthlanpui neih tura Serchhip District chhunga inthlanna buaipuitu tur Polling Party te tan hian tunkar tir atang khan Postal Ballot hmanga Vote thlakna hun hi hawn a ni a, hemi hnu hian Inthlanna a Duty tur dangte tan pawh Facilitation Centre siama Vote thlakna hun hi hawn zel niin nimin tlai thleng khan mi 569 ten Vote an thlak tawh a, nimin bikah khan mi 49 ten Vote hi thlakin 26-Serchhip (ST) AC-ah mi 32, 27-Tuikum (ST) AC-ah mi 6 leh 28-Hrang-turzo (ST) AC-ah mi 11 te an ni. Inthlanna a Duty tur mi 569 bakah hian Home Voting hmangin kum upa leh PwD mi 168 ten Vote an thlak tawh bawk a, tun thlengin Serchhip District-ah Postal Ballot hmang hian Vote 737 a tla tawh a ni.

Vawiin hian Govt.Serchhip College-ah Polling Party a tel turte tan Training nei lehin hetah hian Inthlanna a Duty turte tan hian Postal Ballot hmanga Vote thlakna hun hawn leh a ni dawn a. Hei bakah hian Vawiin vek hian Essential Services Absentee Voters te tan Postal Ballot hmanga Vote thlak theih niin 26-Serchhip Constituency tan Serchhip DC Office-ah Facilitation Centre siam a ni a, 27-Tuikum Constituency tan Chhing-chhip Middle School-ah leh 28-Hrangturzo tan E.Lungdar BDO Office ah siam sak an ni bawk a. Heng Facilitation Centre te Vawiin thleng hian hawn a ni dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar