Thla 7 chhungin lirthei 15,498 ziahluh a ni tawh

Mizoram sawrkar a Transport Department chuan October 31, 2023 thleng khan lirthei 2,98,532 an ziaklut (register) tawh a; kumin (2023)-a thla 7 (April 1 - Oct. 31) chhungin lirthei 15,498 ziaklutin heng zinga 11,591 chu Two Wheeler a ni.

Transport Department tarlan danin, Mizoram-a lirthei ziahluh tawh zinga tam ber chu Two Wheeler niin, 2,03,577 a ni a, lirthei ziahluh tawh zawng zawng 2,98,532 atangin 68.19% a tling a. A dawttu chu Car niin 50,421 ziahluh a ni a, lirthei ziahluh tawh zat atangin 16.88% a ni. Heng bakah hian Sumdawnna lirthei, bungraw phur chi 21,647 (7.25%) ziahluh a ni tawh a; Three Wheeler (Auto Rickshaw) 5,911 (1.98%), Motor Cab (Taxi) 5,847 (1.95%), Two Wheeler Taxi/rental 3,402 (1.01%), Maxi Cab 2,396 (0.80%) leh bus 578 (0.19%) ziahluh a ni tawh bawk.

Kumin April 1 leh October 31 inkar chhungin Mizoram-ah lirthei ziahluh thar 15,498 a awm a, chu'ng zingah chuan Two Wheeler tam berin 11,591 a ni. Car 2,739, sumdawnna lirthei bungraw phur chi 788, Three Wheeler (Auto Rickshaw) 133, Two Wheeler Taxi/rental 85 leh Motor cab (taxi) 45-te chu lirthei pung tam zual a ni. Hetihlai hian Bus erawh chu 10-in a tlem thung a; Sawrkar kum liam ta tàwp ni, March 31, 2023 aiin Oct. 31, 2023-ah Mizorama lirthei ziahluh tawh 13-in a kiam a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar