PMA-Y hnuaia hna thawk tha lo zingah Mizoram tel

Sawrkar laipui hmalakna a miharsa te chenna In sakna, PMA-Y hnuaiah Mizoram chu ramchhunga hna thawk tha lo zingah a tel.

Zonet in a tarlan danin Pradhan Mantri Awas Yojana hi chi hnih- Urban leh Gramin-a then niin, PMAY-U chu khawpui chhunga hmalakna a ni a, PMAY-G chu thingtlang lama hmalakna a ni thung a. Thingtlang lama hmalakna PMAY-G hnuaia Insak te zofel turin thla 4 chauh hun a awm tawh a, hetihlai hian State leh Union Territory 9 te chu an bitum ti hlawhtling turin an la hnufual hle a, Mizoram chu a hnufual zual zingah telin, Ministry of Rural Development target-ah chuan Mizoram-ah PMAY-G hnuaiah In 29,967 sak tur a nih laiin 7, 968 chauh sak zawh a la ni a, zaa 26.58 chauh sak zawhfel a la ni.

Hetiang bawk hian khawpuia cheng miharsa zawkte chenna tur In sakna, PMAY-Urban thawk tha lo ber zingah Mizoram chu a tel bawk a, chenna In 39,605 sakna turah In 7, 506 chauh zawhfel a la ni a, zaa 18.95 vel chauh an la thawk a ni.

Nikum September thlaa Mizoram tlawhtu Union Minister of State for Rural Development, Consumer Affairs, Food and Public Distribution Sadhvi Niranjan Jyoti chuan, Mizoram sawrkar chu Central Scheme hnuaia hnathawh tur a bawhzui muan avangin na takin a lo sawisel tawh a ni. 

Comments

Popular News (Last 30 Days)

Vawiin-ah HSSLC Exam result

LPG man bithliah thar