Ruihhlo hmansual vangin kumin ah mi 67 thi tawh

Kumin (2023) January atanga November ni 9,2023 (Ningani) thleng khan Mizoram-ah damdawi hmansual vanga thi mi 67 an awm tawh.

Mizoram sawrkar-a Excise & Narcotics Department chhinchhiah danin kumin chhunga Mizoram-a damdawi hmansual vanga thi mi 67 zinga 56 hi mipa niin a dang 11 hi hmeichhia an ni a, an vai hian Heroin leh a kaihhnawih vanga thi vek an ni.

Excise & Narcotics Department chhinchhiah danin damdawi hmansual vanga thi hi Mizoram-ah 1803 an awm tawh a, an zinga 1587 hi mipa niin hmeichhia 216 an awm tawh a. Kum 2004 kha damdawi hmansual vanga kum khat-a Mizoram-ah thi an tam ber kum a ni a, hemi kum hian mi 143 an thi a, kum 2000 khan mi 139 thiin 2003-ah 136 an thi bawk a ni. Kumin hian ruihhlo hmansual avanga thi hi an pung nasa hle a, nikum chhung zawnga ruihhlo hmansual vanga thi zat dawn hi kumin ah kum chanve chhungin an thi hman bawk a ni.

Mizoram-a Damdawi hmansual vanga thi zingah hian Proxyvon/Parvonspas vanga thi tam berin 1161 an awm a, Heroin vanga thi 233 awm bawkin a dang 409 te hi a remchang ang ang tihpawlh te an ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man