LADC Executive Secy vuiliam

Lai Autonomous District Council (LADC) sawrkar-a hotu ber, Executive Secretary H. Lalruatkima chu Zirtawpni khan Kolkata-a Apollo Hospital-ah boralin nimin khan Lawng-tlai Electric Veng Thlanmual-ah vuiliam a ni. Kum 58 mi H. Lalruatkima hi LADC Pisa-ah a hotu ber niin kum 1990 khan Group B Officer in LADC Service ah a lut a, hun engemaw chen Cancer avanga harsatna a tawh hnuah Zirtawpni khan boralin a nupui leh a fate pali a kalsan a ni. LADC sawrkar-a a thawh chhung zawng hian hna pawimawh hrang hrang, District Council Industry Officer, Information & Public Relation Officer, Taxation Officer, Under Secretary (Legislative Department), Under Secretary (GAD), Art & Culture Officer, Education Officer (M), President & Recorder leh Executive Secretary hnate a chelh hman a ni.