Kum li chhungin kuhva ro vbc. 18.23 hu man

Mizoram Police chuan kum 2020 atanga kumin thlengin Myanmar atanga kuhva ro tawlhruk chungchangah hian mi 177 man an nei tawh a, kuhva ro an man zawng zawng chu Rs. 18,23,30,225 hu a tling.

Mizoram Police ten an chhinchhiahna atanga a lan danin kum 2020-ah Myanmar atanga tawlhruk kuhva ro bag 2,843 man neiin Rs. 41,16,000 hu a tling a. Mi man 18 awmin, thubuai ziahluh a awm lo a, kuhva ro mante hi Custom Preventive Force kutah hlan a ni. Kum 2021-ah Rs. 4,31,16,000 hu bag 3,593 man lehin mi 28 man an awm leh a, thubuai ziahluh a awm lovin Kuhva mante hi Custom Preventive Force kutah hlan a ni thung.

Kum 2022-ah kuhva ro bag 4,034 man leh niin Rs. 4,63,07,425 hu nia chhut a ni a, hemi kum hian thubuai pasarih ziahluh niin mi 35 man an awm a. Kuhva mante hi Custom Preventive Force kutah hlan a ni. Kum 2023-ah kuhva ro bag 7,949 leh kg 34,740 man leh niin heng te hi Rs. 8,87,90,800 hu nia chhut a ni a, kuhva ro kaihhnawiha man mi 96 zet awmin thubuai 19 ziahluh a ni a, kuhva ro te hi Custom Preventive Force kutah hlan leh a ni bawk.

Tunhnai kum li (2020-2023) chhunga Mizoram Police te kuhva ro man zawng zawng hi bag 18,419, kg 34,790 leh nylon bag tê 20 niin, Rs. 18,23,30,225 hu a tling a, thubuai ziahluh 26 awmin kuhva ro tawlhruk kaihhnawih a man zawng zawng mi 177 an tling bawk a ni.