Rorelna Dik Group ten hmalak dan vilzui an tum

Rorelna Dik Group chuan Mizoram inthlanpui 2023-ah tu party pawh lo sawrkar se an Manifesto leh intiamnate vilzui an tum tih a sawi.

Nimin khan Aizawl Press Club-ah thuthar thehdarhtute kawmin Rorelna Dik Group hian an hmathlir leh ke penna na tur hrang hrangte an tarlang a. He hunah hian Rorelna Dik Committee Member Lalrammawia chuan Mizoram inthlanpui 2023 neih zawh takah tu party leh pawl pawhin sawrkarna lo siam se, ram rorelna an kalpuina kawngah mipui hnena an inzawrh lai leh an hmelmawi, an hmatheh hun laia kawng hrang hrang – ram hmasawnna ruhrel siam, sawrkar tha, eirukna do, zirna tha zawk siam, ram intodelhna kawng zawh hrang hranga an thutiamte, manifesto te bawhzui a nih tur thu te an tarlang a. Hei bakah hian a tul huna an tha tichak tur leh kawng diklo an zawh chang pawha dodal a hmalakna awm thei ang anga hmala turin Rorelna Dik Group chu din a nih thu a sawi a. Sawrkar thar lo piang tura chanvo chelh tur hrang hrangte, Kohhran, Para Church, NGO leh sawrkar hnathawh zawng zawngte chu Mizoram-ah rorelna dik a awm theih nana ke pena hmalak a tulna apiangah ke pen pui turin a sawm a ni. 

He hunah hian Rorelna Dik Group aiawhin Rev Zaidarhzauva, Rev. Vanlalrova leh Dr. JM. Vanlalhriata te an tel a ni.