Polling party chhuak dawn

Serchhip District-a Assembly Bial pathum ah naktuk-a Vote thlak turin inbuatsaihna peihfel thawkhat a ni tawh.
Serchhip District-a Assembly Inthlanpui nei tura inbuatsaihna hian a vawrtawp thlengin Inrinni khan Serchhip District chhunga Polling party te tana Training hnuhnung ber chu Govt. Serchhip College-ah neih a ni a, he hunah hian Polling party te hi an hriat tur thil pawimawh hrang hrang hrangte hrilh leh niin tukin dar 8:00 atang hian Polling Party te hian an bungrua te nen Serchhip DC Office chhuah-sanin an Duty-na tur hmun an pan dawn a. chawhnu dar 1:00-ah hian an Duty-na tur hmun hi pan fel hman tura ruahman niin Polling Station-ah hian an riahchilh nghal dawn a ni.

Tarlan tawh thin angin Serchhip District-ah hian Polling Party 107 ruahman niin heng zinga 88 te chu Polling Station-ah an chhuak dawn a, a dang zawng hi thlaveng tur niin sawrkar chuan tluang taka mipui ten vote an thlak theih nan rua-hmanna hrang hrang a siam a ni.