NCC in \halaite chu mi puitling, khua leh tui thaah a chher \hin - Governor

Mizoram Governor Dr. Hari Babu Kambhampati chuan National Cadet Corps (NCC) chuan thalaite chu mi puitling, khua leh tui thaah a chher thin tih a sawi.

Tun thla ni 6-a Shillong atanga tana Inpumkhatna atana zinkual, NCC North Eastern Region (NER) Rally for Cadets a tel te nizan hmasa a Aizawl-a lawmna neih ah Governor chuan a thalaite hmasawnna tura NCC hnathawh te sawiin, ram leh hnam inpumkhatna chungchanga thalaite kaihruai kawngah hna pawimawh tak a thawh thu te a sawi a. NCC in kum 75 a tlin denchhena NCC-NER buatsaih a ni chu lawmawm a tih thu sawiin, ‘Inpumkhatna leh Thununna’ tih thupui hmanga North East state hmun hrang hranga zirtirna an kalpui tur pawh a hlawk thlak dawn hle tih a sawi bawk. Governor chuan Mizoram thalaite chu NCC-ah a tel tha pawl leh thahnem ngai taka thawktu zinga mi nia a hriat thu a sawi a. Lunglei-ah 2nd Mizoram Bn. NCC a lo awm leh tak hnuah Mizoram thalaite tan NCC-a tel theihna a in hawng zau sawt tih a sawi a. NCC chuan thalaite chu mi puitling, khua leh tui tha ah a chher thin tih pawh sawiin, sipai a luh tum te tan chauh lo pawh thalaite tana inhmanna hmun tha a nih thu a sawi bawk.

NCC North Eastern Region (NER) Rally for Cadets hi tun thla, November 6 khan Shillong atanga tan niin tun thla ni 26 thleng neih tura ruahman a ni a, Rally neih chhung hian KM 3500 a thui vel an zin kual hman tura chhut a ni a. Hmarchhak-a ‘Seven Sister’ State zawng zawng an paltlang vek dawn a, Cculture Interchange leh Inpumkhatna chungchang chu thupuiah hmangin program hrang hrang duan a ni a. G20 – ‘ One Earth, One Family, One Future’ tih chungchangah pawh inzirtirna kalpui tum a ni. He Rally-a tel te hian nizan hmasa khan Aizawl hi an rawn thleng a, Gajraj Hall kawt-ah Governor Dr. Hari Babu Kambhampati flag kengin a lo lawm a, Major General Gagan Deep, ADG NCC Directorate North East Region (NER) chuan rawn kaihruaiin NCC Rally-ah hian NCC Cadet leh an hruaitu Army Officer te chu lirthei 12 ah chuangin an rawn inzui a, anmahni lo lawmna ah hian inkhawm neih zui niin Mizoram-ah hian Program nei lawk velin hmun hrang hrangah thalaite nen hun an hmang dawn a ni.

He Rally-a tel te lawmna hun Aizawl-a neih ah hian Major General Gagan Deep, ADG chuan NCC hmalakna te tha taka a lo thlawp thin avangin Governor chungah lawmthu a sawi a. Mizo thalaite nen program hlawk thlak tak hmun hrang hrangah neih tum a nih thu sawiin, an lo dawnsawnna ah lawmthu a sawi bawk.