Muallungthu PS-ah Vote za zela 87.08 a tla

Aizawl South-III Assembly Constituency huamchhunga Muallungthu Polling Station-ah nimin khan tluang taka Vote thlak that leh niin Vote za zela 87.08 a tla a ni.

Election Commission thupek angin Muallungthu Polling Station-ah hian nimin zing dar 7:00 atang khan vote thlak tan a ni a, vote thlak theih hun tawp tlai dar 4:00 hmain vote thlak hi zawhfel a ni a, vote nei zawng zawng mi 1,084 zinga 944, mipa 460 leh hmeichhia 484-in vote an thlak a, vote tla zawng zawng hi zaa 87.08 a tling a ni.  Thawhlehni-a Mizoram Assembly inthlanpui neih zawh taka vote tlate endikna ah Aizawl South-III bial chhung Muallungthu Polling Station-ah hian vote thlak hmaa EVM a that leh that loh enchinna, ‘Mock Poll’ neihnaa vote tlate chu dan anga paih fel hmasa phawt lovin mipui vote thlak kalpui tlang a ni tih hriat a nih avangin Returning Officer leh Observer te an inrawn hnuah vote thlak that rawtna ECI-ah an thlen a. ECI chuan sub-Section (2) of Section 58 of the Representation of the People Act, 1951 tlawhchhanin Nilaini khan Muallungthu Polling Station-a vote thlak tawh sa chu rawn hnawlin, Returining Officer atanga rawtna lut angin vote thlak tha turin thutlukna a siam a. Hemi ang hian nimin khan Vote hi thlak that a ni leh ta a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man