MAL Jt. Hqrs. Golden Jubilee Souvenir tlangzarh

Mizo Academy of Letters (MAL), Joint Hqrs, Lunglei kum 50 tlinna, Golden Jubilee Souvenir ‘Fin Khawm’ tih chu nimin khan LMC Chairman Lalzuithanga Khiangte chuan a tlangzarh. Lunglei DRO Pisa Hulhliap-a Souvenir tlangzarhna hunah hian LMC Chairman chuan MAL chu Mizo literature ti hmasawna, tih changtlunga, Mizo tawng tawngkauchheh humhalh leh chawilar kawng ah te, Mizo tawng tih hausak leh hmasawn bakah Mizo zia leh nihphung te vawnnun a nih theih nana tangkai tak ni turin a duh thu a sawi a. Mizo tawng humhalh kawnga hmalakna ah hian mipui ten kan ngaipawimawh lovin kan phurtawk loh thin thu sawiin, tan la thar a MAL te hmalakna hi tawiawm theuh turin a chah bawk. Fin Khawm hi thu hrang hrang lak khawm niin thupui hlawm 27 a awm a, thuchham, lengzem, autobiography bakah zirlai te tana tangkai tur tawng upa hmandan te, Award hrang hrang te, Mizo tlawmngaihna te a tel a ni.