DIET Serchhip-ah Project Work Report ngaithla
DIET Serchhip-a III Semester zirlaite hi Group 7-ah inthenin kumin August thla atang khan EVS Subject chhungah Project Work hrang hrang an nei a, heng te hi nimin khan DIET Auditorium-ah Report pein zirlaite leh thawktu ten an ngai-thla a ni. Kumin ah hian Group No. 1 ten Serchhip District-a Mobile Phone hman dan tlangpui an zirna ah kum 15-20 atanga hman tan tamin rual-pawlna atana Mobile Phone nei an tam viau a, Social Media-ah Whatsapp leh Online Payment (Internet Banking)-ah Gpay hmang an tam ber bawk.
Group No. 2 ten Serchhip-a Library an zirchianna ah thalai ten Library an hlut dan a tlakhniam tawh thu leh Library tlawhtu zingah Hmeichhia aia mipa an tam thu tarlan a ni a. Group No. 3 in District Child Protection unit hnathawh dan an zirna ah kum 2020-2023 chhungin Case an neih a pun thu leh thingtlang aiin khawpui ah Case a tam zawk bakah hmeichhia aiin mipa in case an ngah tih tarlan a ni.
Group No. 4 ten District Transport Officer (DTO) Office hnathawh dan an zirna ah kum 5 chhungin lirthei register 7339 awmin heng zingah hian a tam zawk chu lirthei ke hnih nei a ni a, Commercial vehicle aiin Private Motor a tam zawk bawk a ni. Group No. 5 ten Serchhip Bazar an zirchianna ah Dawr-ah Mipa aiin Hmeichhia an tam zawk a, a tam zawk chu thalai niin Hmeichhia aiin Mipa in an hlawh tam zawk a ni.
Group No. 6 ten Serchhip Blood Bank an zirna ah kum 2020-2023 chhungin thisen Unit 3502 pek niin thisen pek ah hian O+ chu a tam ber bawk. Group No. 7 ten Mercy Hospital an zirna ah damdawi In pantu zingah thingtlang aiin khawpui (Serchhip) an tam zawk a, damlo inentir zingah Medicine Department pantu an tam ber bawk a ni.
Comments
Post a Comment