Tuikum bialtu MLA in Panchayat Bhawan leh Baktawng Govt P/S -I Building thar a hawng

Tuikum bialtu MLA leh Social Welfare Minister Er. Lalrinawma chuan nimin khan a bial chhunga Chhuanthar Tlangnuam-ah Panchayat Bhawan hawngin Baktawng Govt. P/S-I Building thar a hawng a. Chhuanthar School Lumpsump GIA a hlankai lawmna hun a hmanpui bawk.
Nimin-a heng hun buatsaih a hmanpuina ah hian Er. Lalrinawma chuan Chhuanthar khawtlangin hmasawnna rotling leh chhinchhiah tlak tak an nei thar chu a lawmpui thu sawiin, a enkawl zuina kawngah neitu rilru pu theuh zel turin mipuite chu a sawm a. Amah ngei pawh a lo kal tawhna School ngei-ah School Building hawng theia a awm chu lawmawm a tih thu leh hriatreng tlak a tih thu a sawi bawk. 


Tuikum Bialtu MLA chuan Bial a vil leh enkawl zuina kawngah eizawnna, zirna leh hriselna te chu a ngaih pawimawh zual a nih thu he hunah hian sawiin, a bial chhunga hmasawnna ruhrel din thar te chu mipuiten neitu rilru pu chunga an lo enkawl zui thin avanga lawmthu a sawi bakah, a bial chhung zirna In thahnem tak dinhmun tha zawka hlankai a ni chu lawmawm a tih thu leh hriselna lamah pawh hmasawnna tam tak hmuin tihchangtlun a ni chho zel chu lawmawm a tih thu a sawi a. Tha taka hna an thawh thin avangin a bial mipuite hnenah lawmthu sawiin, vantlang thilte ngai pawimawha, mipuiten a tul hunah tha an thawha, sawrkar an thlawp thiam zel a pawimawh thu a sawi a. Hmasawnna lo kal tur te an dawnsawn thiam a that thu pawh sawiin, VC te leh School a thawktu zawng zawng te inpekna ropui a tih thu a sawi a, tih fuh tawk loh deuh te a lo awm a nih chuan hriatthiamna a dil nghal bawk a. Bial leh khawtlang hmasawnna hnathawh leh hmalakna ah thawhhona tha an neih thin avangin bial mipuite chungah lawmthu sawiin, Bial mipuite hnen atanga duhsakna tinreng a dawn thin te chu lawmawm a tih thu a sawi bawk.

Nimin-a he hun hman hi VC Vice President Ramthanga chuan kaihruaiin Chhuanthar Tlangnuam VCP Lalramzaua chuan bialtu MLA hmalaknaah lawmthu sawiin, Serchhip District LAD hnuaia Panchayat Bhawan (RGSA 2020-2021) thar leh khawtlanga mi tam zawk eizawnna nen a inzawm tlat Tranformer thar an nei thei chu lawmawm a tih thu a sawi a. Govt. P/S-I Lumpsump GIA a hlankai a ni chu lawmawm a tih thu sawiin, bialtu MLA leh Sawrkar hmalakna-ah mipui aiawh pawhin lawmthu a sawi bawk. Ani bakah hian Baktawng Govt. P/S-I Building Committee Chairman H. Remmawia leh sawm bikte pawhin thu an sawi bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man