Serchhip-a MUP Branch hrang hrang ten urhsun takin Upate ni an hmang
International Day of Older Persons hi Serchhip-a MUP Branch te chuan anmahni remchan anga hmang hlawmin MUP Kawn Veng Branch Serchhip chuan Serchhip Kawnpui VC Hall-ah an hmang a, he hun hi an Branch Vice President R. Vanlallawma chuan kaihruaiin Serchhip Kawnpui VCP V. Tlangthuama chuan khuallian niin a hmanpui a, Report hrang hrang ngaithlain intihhlimna hun an hmang bawk a ni. MUP Serchhip AIOC Veng Branch te chuan Serchhip Kawnpui North VC Hall-ah he ni pual hian hun hmangin an President Lalhmangaiha Chawngthu chuan a kaihruai a, Report hrang hrang ngaihthlak a nih bakah an Member boral te sunna hun hmangin an Adviser te hnen atangin thusawi ngaihthlak a ni bawk.
MUP Serchhip P&E Veng Branch te chuan MUP Run-ah Upate Ni hi hmangin an President C. Lalbiakthanga chuan a kaihruai a, an hmalakna hrang hrang ngaihthlak a nih bakah an Member boral te sunna hun hmangin VCP bakah YMA leh MHIP aiawh te pawhin hmanpuiin thu an sawi bawk. Serchhip Vengchung Branch MUP te chuan Zoluti Hall ah Upate Ni pual hian hun hmangin an President RL. Biakvara chuan a kaihruai a, Serchhip Deputy CMO Dr. Lallawmkimi Chhakchhuak chuan khuallian nia a hmanpui bakah an Adviser te atanga thusawi ngaihthlak a ni a, an member boral te sunna hun hmangin YMA leh MHIP aiawhte pawhin thu an sawi bawk a. An Member kum 80 chunglam te chibai bukna hun an hmang a. Serchhip Dinthar Branch MUP ten CMS Picnic Spot-ah he ni hi an hmang bawk a ni.
New Serchhip North Branch MUP te chuan New Serchhip Bazar Hall-ah Upate Ni hi hmangin an Vice President H. Lalzawnlaia chuan a kaihruai a, Govt. Serchhip College Principal C. Laldintluanga chuan khuallian nia hmanpuiin an President Rualzakhuma bakah VC leh YMA aiawhte pawhin thu an sawi a, an member boral te sunna hun an hmang bawk. Heng bakah hian serchhip-a MUP Branch hrang hrangte chuan member pum huapin Upate ni hi an hmang hlawm a, ruai nena he ni hmang hi an awm nual a ni.
Comments
Post a Comment