MZU Psychology Department kum 40-na lawm a ni

Mizoram University-a Psychology Department chuan nimin khan an kum 40-na, Ruby Jubilee lawmin he hun hi Governor leh MZU-a Chief Rector Dr. Hari Babu Kambhampati chuan a hmanpui a ni.

MZU Auditorium-a he hun hmanna ah hian Governor chuan tunlai khawvel hmasawn zelah mipui rilru sukthlek dan te a hrisel zawnga kaihruai kawngah leh rilru lama harsatna nei te enkawl kawngah Psychology pawimawh zia kan hre chho mek tih sawiin, Taksa hriselna a pawimawh tluk chiahin rilru lama hrisel a pawimawh tih a sawi a. MZU Psychology Department in Clinical Psychology zirtir phalna thuneitu sang hnen a\anga an hmu chu a lawmpui thu sawiin, Clinical Psychology zirtirna kalpui a nih hnu hian Psychology Department chuan Kkhawtlang nun leh inkaihruaina kawngah chak zawkin tha an rawn thawh theih a beisei thu a sawi bawk.

He hunah hian khual zahawm MZU Vice Chancellor Prof. Dibakar Chandra Deka chuan MZU-a Department of Psychology in Psychology zirtirna huangah kum 40 hmel a hmu chu ropui a tiin a lawmpui thu a sawi a. Psychology zir pawimawhzia leh he khawvel danglam zel kara khawtlang nun lo danglamah zelah psychology thiamna mamawhna a nasa tual tual tih a sawi a. Science leh technology lama hmasawnna ringawt hi mihring tana thil \ha a ni bik lo a, hmasawnna ringawt nei ila rilru hrisello leh mihring mihrinna kan hloh kan nih si chuan kan tana thil \ha a ni thei lo a. Kan nun dan tur leh kan rilru a lo hriselna tura kawng min kawhhmuh \hin turin mihring nihphung leh rilru zirna lam Psychology zirna in hma a sawn tel zel a ngai a ni, a ti bawk.

Nimin-a he hun hmanna ah hian MZU Psychology Department Report ngaihthlak a nih bakah Psychology Department lo indin dan leh hmasawnna an neih dan te pawh ngaihthlak a ni bawk.