Ramri chungchang a inbiakna chhunzawm theih rih loh

Mizoram leh Assam ramri buai chungchang chingfel tura inbiakna chu neih chhunzawm a ni dawn rih lo a, Mizoram Legislative Assembly inthlanpui a zawhfel hma loh chuan inbiakna neih leh a ni dawn lo tih Home Department hotuten an sawi.

Home Department hotute sawi danin ramri buai chungchangah Ministerial Level-a inbiakna neih leh a nih theih nan Assam sawrkar atangin hriattirna dawng mah se Mizoram-ah November ni 7-a inthlanpui a awm dawn avangin tun dinhmunah sawrkar anga hmalakna kalpui a theihloh a, inthlanpui zawhfel hma chu inbiakna kalpui a ni dawn lo a ni. Inthlan hun puan anih tawh avang leh Election Model Code of Conduct hman nghal anih avangin sawrkar anga hmalakna kalpui a rem tawhlo tih an sawi bawk.

Assam Home Department chuan Zirtawpni khan Mizoram Home Department hnenah Official Letter e-mail hmanga thawnin Assam in a ram chin nia a ngaih ve tho khaw 62 ah Mizo cheng an awmloh thu a rawn hriattir a, heng khaw 62 ah te hian Mizo cheng an awm a ni tih information an dawng anih chuan hriattir turin Assam sawrkar chuan Mizoram sawrkar a hrilh nghal a, Mizoram Home Department hotute chuan helai hmun hi a mi cheng te avanga Mizoram chin ni lovin Mizoram ramchhung a nih thu an sawi ve thung a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man