MZU Alumni Grand Annual Meet Larsap in a hmanpui

Mizoram University (MZU) Alumni Grand Annual Meet 2023 chu nimin khan MZU Auditorium-ah neih a ni a, Mizoram Governor leh Mizoram University-a Chief Rector Dr. Hari Babu Kambhampati chuan khuallian niin a hmanpui a ni.

MZU Alumni te intawhkhawmna ah hian Governor Dr. Hari Babu Kambhampati chuan MZU atanga zirchhuak tawh mithiam rual leh mi hlawhtling tak tak intelkhawm ten Mizoram University hmasawn zelna atana theihtawp an chhuah chhunzawm chu lawmawm a tih thu a sawi a. University tha tehfung atana thil pawimawh tak pakhat chu University atanga zirchhuakte hlawhtlinna, an hnathawh leh an thiltih te a ni tih sawiin, MZU Alumni te hian MZU hmasawnna atan, kawng hrang hrangah tih theih tam tak an neih bakah tuna zirlaite tan kawng sial saktu leh kawng kawhhmuhtu an ni tel tih pawh a sawi a ni. Hei bakah hian Governor chuan India sawrkar hnuaia Social Security Scheme leh hamthatna Scheme tam tak mipuiin kan hmelhriat loh avangin kan dawng lo tih pawh sawiin, hemi kawngah hian beneficiary te hriatthiam tura heng Scheme hrang hrang te hi zirtirna petu ni turin mithiam kalkhawm te hi a sawm bawk a ni.

MZU Alumni intawhkhawm program hi Emanuel Lalhriatzuala Ralte, President, MIZUAA chuan kaihruaiin MZU-a Acting Vice Chancellor Prof. Laltluangliana Khiangte chu khual zahawm niin a hmanpui bawk a, K. Zorammuana, Vice President, MIZUAA hnen atangin Alumni Report ngaihthlak a ni bawk. Nimin-a MZU Alumni Grand Annual Meet  MZU-a Gold Medalist-te leh Alumni achievers (Government of Mizoram leh Government of India hnuaia Officer te) bakah VC, Registrar leh Professor retired tawh te chawimawina hun hman a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man