Mizoram-a District pathum-ah RTI Week hman a ni

Rampum-a Right to Information (RTI) Week hman mek pualin nimin khan Lunglei, Kolasib leh Saitual-ah te he hapta pual hian hun hman a ni.

Lunglei-ah chuan RTI Week hi Convention Centre Lunglei-ah hman niin Lunglei District Bawrhsap Ramdinliani chuan a hmanpui a, Kolasib-ah chuan DC Conference Hall-ah District Bawrhsap John LT. Sanga hova hmangn Saitual-ah pawh District Bawrhsap Dr. Lalngura Tlau hovin DC Conference Hall-ah hman a ni. Nimin-a RTI Week hmanna ah hian RTI chu mipui ten sawrkar kalphung an hriatna pawimawh tak leh thil diklo awm thei vengtu a nih thu tarlan niin, RTI chu sawrkar hnathawk ten an hmelma en thin thu leh tunah erawh an hmang tangkai tan tak thu tarlan a ni a. RTI chu lang tlang sawrkar a din theih nan leh khua leh tuite'n kan chanvo kan chan theih nana hmanraw pawimawh tak a nih thu tarlan a ni bawk. RTI Week hi October ni 5 atanga ni 12, 2023 inkar chhung hian rampum-ah hman mek a ni.