Mizoram-ah Heroin man tam ber kum a thleng

Excise & Narcotics Department (END)-in kum 1995 atanga a chhinchhiah chinah kumin hi Mizorama Heroin man tam ber kum la niin, kumin-a thla riat (January - August) chhung lekin kg 63 chuang man a ni tawh.

END-in a chhinchhiah danin nikum 2022-a Heroin man zawng zawng chu kg 33.41 niin hei hi kumin thla riat chhungin khum a ni der tawh a. Kumin ah Heroin kg 63.37 man a nih tawh bakah Ganja kg. 85.77 an man tawh a, Methamphetamine ringawt pawh kg 32.84 man a ni tawh bawk.  Kumin January leh August inkarah tualchhunga siam Rakzu man chu litre 54,785.45 a tling a, Zu bilhlai Tin 1,32,464 man bawkin Dawidim kg 511.57, Sapzu um puitling 13,748, a chanve um 2,325 leh ml 180 um 2,352 bakah Beer chi hrang hrang thahnem tak man an nei tawh bawk.

Kumin hi damdawi leh zu kaihhnawiha ramdang mi (foreigner) man tam ber kum ni bawkin mi 66 man an ni tawh a, nikum chhung khan mi 48 man an lo ni tawh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar