Lengteng bial-a Zirlai tithate tanpuina hlan an ni

Lengteng Bial chhunga zirlai tithate hnenah Inrinni khan Laptop leh Smart Phone hlan niin Zirlai engemaw zat hnenah tanpuina hlan a ni bawk.

Hemi puala inkhawm Mizoram State Archive Conference Hall-a neih ah hian Lengteng Bial zirna In atanga HSLC (pawl 10) Distinction-a pass mi 8 te hnenah Smart Phone hlan niin HSSLC (pawl 12) Distinction a pass zirlai 2 te tan Laptop hlan a ni bawk a. Hemi rual hian First Division a pass chhungkaw harsa, Lengteng bial huamchhunga Zirlai 23 te hnenah Lengteng bialtu MLA Fund atangin Rs. 3,45,000/- leh SRDC Area huamchhunga Zirlai 22 te hnenah SRDC Fund atangin Rs. 3,14,000/- semchhuah a ni bawk a ni.

He hun hi Lengteng bialtu MLA leh SRDC Chairman Dr. L. Thangmawia MLA pawhin hmanpuiin a bial chhunga zirlai ten zirna kawnga inelna thianghlim an neih beisei naa Smartphone leh Laptop hi Distinction a pass chin te pek thin an nih thu leh zirlai thiamthei chhungkaw harsa te khaichhuah nana tanpuina – Admission Fee, Uniform leh lehkhabu man daih tura ngaih tanpuina  pek thin an nih thu a sawi a. Hei hi kum 2019 atanga neih a nih thu leh Ngopa BDO Chairman-na hnuaiah a dawng turte hi thlan thin an nih thu a sawi bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result