Lal huaisen Zakapa chawimawina hun hman a ni

Hmeichhiate zahawmna humhima, chhan tlat thin tu Mizo lal Zakapa chu a lalna tlang, Khawhri khuaah Inrinni khan chawimawina hun hman a ni a, bialtu MLA leh Health Minister Dr. R. Lalthangliana chuan he hun hi a hmanpui a ni.

Lal huaisen Zakapa chawimawina hunah hian Dr. R. Lalthangliana chuan, “Mizo lal zingah lal tha tak tak an awm thin a, lal Zakapa tawn ang erawh an tawng vek lo mai thei,” tiin lal in a khua leh tuite tana a tih tur dik tak ti-a huaisen taka hmeichhiate zahawmna humhim saktu a nih thu leh chawmawi a phu thu a sawi a. Mizo hnam nunphung leh ziarang vawn nun thar a nih leh theih nan te, thangtharte nunah Mizo hnam hmangaihna a len zel theih nan he hun hi buatsaih a nih thu a sawi bawk.

Lal huaisen Zakapa chawimawina hunah hian 'Zakapa leh Mizo Nationalism, thangtharte tan' tih hmangin Dr. H. Laldinmawia, Asst Professor, PUC chuan thu sawiin, Zakapa chuan Mizo hmeichhiate chhanna atana Mizo nun zemawi a chhawm nung leh a humhalh tlat kha chhinchhiah tlak tak a nih thu leh chhuanawm a tih thu a sawi a. Tlawmngai pawl hrang hrang aiawhte pawhin he hunah hian thu an sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar