Inthlan chuh turin mi 21 in hming pelut tawh

Thla thar November 7-a Mizoram Assembly Inthlanpui neih tur atan nimin thleng khan mi 21 te chuan Nomination Paper an thehlut tawh.

Thudawn danin tunkar Zirtawpni thlenga Mizoram Assembly Inthlanpui neih tur atana Nomination Paper thehluh theihna hun hawn mekah hian nimin khan mi 17 ten Nomination Paper an thehlut a, Deputy Chief Minister leh MNF Sr. Vice President Tawnluia chuan a bial ngai Tuichang Bial chuh turin nimin khan a hming a pelut a, Serlui bial-a MNF Candidate Lalrinsanga Ralte; Serchhip bial-a MNF Candidate J. Malsawmzuala Vanchhawng; Aizawl West-I bial a INC Candidate R. Lalbiakthanga; Aizawl South II-a MNF Candidate Denghmingthanga; Aizawl South III-a Independent a ding tur Rev. Dr. Zaichhawna Hlawndo; Aizawl South III-a INC Candidate Rosiamngheta; Kolasib bial-a MNF Candidate K. Lalrinliana; Tuikum Bial-a MNF Candidate Er. Lalrinawma; Hachhek bial-a MNF Candidate Robert Romawia Royte; Chalfilh Bial-a INC Candidate Vanneihthanga; Hrangturzo Bial-a MNF Candidate Lalremruata Chhangte; Lunglei South-a INC Candidate Meriam L. Hrangchal leh Aizawl East I-a Independent-a ding tur Lalruatfeli Hlawndo te chuan nimin khan an hming an pelut a. Aizawl North III bialtu MLA nilai C. Lalmuanpuia bakah Lunglei West bial-a Congress Candidate PC. Lalthanliana leh Lunglei East bial-a Congress Candidate Joseph Lalhimpuia te pawhin nimin khan hming an thehlut bawk a ni. Hemi hmalam tunkar Thawhtanni leh Thawhlehni khan mi pahnih ve ve in Nomination Paper hi an lo thehlut tawh bawk a ni.