CESJ in NHIDCL hotute hnenah an thlen

Centre for Environment and Social Justice hruaitute chuan Executive Director, National Highway and Infrastructure Development Corporation Limited chu Environment Laws bawhchhe lo turin an ti.

CESJ hruaitute hi niminpiah khan NHIDCL Office, Tuikhuahtlang-ah kalin Executive Director an hmu a, an hnuaia hmasawnna hnathawhah leivung thehthang dana an ngaihmawh thlenin Leivung paihna tur Spoil Bank uluk taka siamin chung hmunah chauh paih ni se tiin, heng Spoil Bank te hi nghawng thalo a neih loh nana tha taka siam leh enkawl zui a pawimawh thu an thlen a. Leivung te lui leh tui awmna hmuna paih hian tui a tihbawlhhlawh bakah nungchate chenna leh environment nasa takin a tihchhiat thin avangin paih mai mai lo a, kan tui hna te venghim tura leivungte uluk leh fimkhur taka thehthang turin an ti a. Project hmuna ramngaw, thing leh mau tichhe lo thei ang bera hnathawh a tul thu an thlen bawk.