I&PR Minister in Aizawl Mini Theatre a hawng

Aizawl Dinthar Veng-a ‘Aizawl Mini-Theatre’ chu nimin khan I&PR changtu Minister Lalruatkima chuan a hawng.

NEDP atanga sum hmuh hmanga sak Aizawl Mini Theatre hawnna hunah hian I&PR Minister chuan mihring hi Vawiin a kan nunphung leh awmdan te hi kum alo vei chuan a danglam zel thin tih sawiin, thangtharte hriat atan vawn dan tha ber chu Film leh Thlalak te a nih thu leh Modern History-a Film pawimawhna a sawi a. I&PR kaltlanga Arts, Films leh Photography tihhmawnna hrang hrang te sawiin, Film chu khawvel huap ah pawh industry lian, a tui mi te tan eizawnna tling a nih theih avangin remchanna sawrkar chuan siam zel a tum thu a sawi a. Mini Theatre hawn tak chuan Film lama tui mi te tan hmun tangkai leh a tul changa inhmuhkhawmna hmun remchang ni thei bawk tur nia a hriat thu sawiin, tangkai taka an chhawr a duhsak thu sawin, Mizoram Film Forum (MFF) chu a zelna turah duhsakna a hlan a ni.

Aizawl Mini Theatre hawnna hun hi Mizoram Film Forum (MFF) Chairman Lalawmpuia Khiangte chuan kaihruaiin Vice Chairman Aldrin Zosangliana chuan kalkhawmte lawmna thu a sawi a. I&PR Director C. Lalnunkima chuan MFF in 'Amawii' film siamtu H. Lalsangzela, Zote Entertainment hnenah chawimawina lawmman an pek chu a hlan bawk. Nimin-a he hun hmanna ah hian I&PR Director hlui Lallianpuiii pawhin thu a sawi bawk a ni.