Zomi Cultural Centre din turin lungphum phum a ni

North Eastern Council (NEC) sum cheng nuai 478.69 hmanga Champhai, Tlangnuam Veng-thar-a Zomi Cultural Centre & Preservation of Historical Sites dinna tur lungphum chu nimin khan Transport Minister TJ. Lalnuntluanga chuan a phum a, he hmalakna hnuaiah hian Cultural Centre, Type 2 Quarter, Cafateria leh Artefact Shop a awm dawn a. Thasiama Se no Neihna humhalh leh Vangchhia-a Waiting Shed sak a keng tel bawk a ni. Nimin-a lungphum phumna hunah hian Minister TJ. Lalnuntluanga chuan Zomi Cultural Centre a taka bultan a ni ta chu lawmawm a tih thu sawiin, hun lo kal zel turah Zomi Cultural Centre chu Zohnahthlak te kan inpumkhatna leh inauna tichaktu a la ni zel dawn tih a sawi bawk.