HPC (R) leh MNF ten thawhhona thuthluang an ziak

Hmar People's Conference Party (Reformation) leh MNF General Hqrs. chuan Zirtawpni khan Mizo Hnam Run-ah 2023 General Election atana thawhhona thuthlung an ziak.

He thawhhona thuthlungah hian MNF aiawhin General Secretary Lalmuanthanga Fanai leh HPC (R) aiawhin General Secretary HT Vunga te chuan an hming an ziak a, he thawhhona thuthlungah hian MLA Inthlanpui lo awm turah MLA bial pathum Tuivawl, Chalfilh leh Serlui bialah te MNF Candidate an tlin ngei theih nan HPC (R) hian theihtawp chhuahin hma an la anga, SHC Area pawnah pawh MNF Party a sawrkar ngei theih nan an theih chin chinah hma an la bawk ang.

MNF in sawrkarna an chang a nih chuan Mizoram sawrkar leh HPC (D) inremna, Memorandum of Settlement (2018) State Act ni tawh la tihpuitlin loh te; HPC, HPC (D) Martar leh Returnee Family ten chhawm-dawlna/eizawnna mumal tak an neih theih nan te theihtawp chhuaha hmalak a ni anga. SHC Area tana hmasawnna Special Package siam tura chak taka hmalak a nih tur thu leh Mizoram sawrkar leh SHC sawrkar atanga mipui tana hamthatna awm thei ang angte MNF Party leh HPC (R) Party mipuite hnenah rualkhai taka sem tlan te an thuthlung ah hian tarlan a ni.