Dengue vangin mi 1 thi tawh

Kumin hian Mizoram-ah Dengue vangin mi pakhat a thi tawh nia chhinchhiah niin he hri kai mi 959 an awm tawh.

Health Department hnuaia State Vector-Borne Disease Control Programme (SVBDCP) hotute sawi danin kumin January leh September thla chawhnu lam thleng khan Mizoram-ah Dengue hri an kai leh kai loh mi 8,416 sample endik niin heng zinga mi 959 chu Dengue hri kai an ni tih hmuhchhuah a ni a. An zinga pakhat Aizawl District ami chu September thla khan a he natna vang hian a thi niin an sawi a. Official-a chhinchhiah lem loh Dengue vanga thi hi midang pawh an awm nuala rin a ni thung. 

Kumin ah hian Dengue hri kai in ringhlel zingah IgM mac Elisa hmanga endik mi 407 leh NS1 Antigen Elisa khawl hmanga endik mi 552 te chu he hri hi an kai tih hmuhchhuah a ni a. Aizawl District-ah Dengue hri kai hi an tam ber a, a bikin Aizawl khawpui hmarlam Bawngkawn Veng leh a chhehvelah an tam zual niin SVBDCP hotute chuan an sawi bawk.