East Lungdar in inthlan hmaa tih hlawhtlin ngiat

East Lungdar Village Council huaihawta tlawmngai pawl leh Political Party hrang hrangte thukhawm chuan sawrkar laka an thilphut te inthlan hma ngeia tih hlawhtlin sak an phut thu an sawi.
East Lungdar atanga thu kan dawn danin East Lungdar khua hian Nov. 29, 2019-a East Lungdar Power Sub-Division bial tihzauhna tura sawrkar in Order a tihchhuah tawh tun thlenga la function tir loh chungchang ah te, East Lungdar RD Block thuthmun a nih ang ngeia Block Horticulture Office function tir te leh East Lungdar PHC chu Community Health Centre (CHC) a hlankai sak turte in vawi engemaw zat sawrkar hotute dawr an lo ni tawh thin a. Hemi chungchang ah hian tunhnaiah khan sawrkar chu October 6, 2023 ralhma ngeia heng an thil nawr te hi tih hlawhtlin sak turin an thlen leh bawk a ni. Hemi chungchang ngaihtuaha Inrinni kalta (Oct. 7, 2023) East Lungdar Village Council/Court kaihhruaia East Lungdar VC House-a All Party leh All NGO te thukhawm chuan heng an thilphut te Oct. 6, 2023 ralhma ngeia tih hlawhtlin sak tura sawrkar-a an thlen in awmzia a nei lo chu pawi an tiin an lungawi lo takzet tih an sawi a. “Mizoram sawrkar chu heng kan thilphut te inthlan hma ngeia tihlawhtling ngei turin kan phut tlat a ni,” tiin Resolution siamin an pass a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man