Chawngtlai khaw tuilakna Deputy CM in a hawng

NABARD RIDF-XXVI sum cheng nuai 299.5 hmanga siam Chawngtlai Water Supply Scheme (Solar Pumping) chu nimin khan PHE Department changtu Deputy Chief Minister Tawnluia chuan a hawng.

Nimin a hawn Chawngtlai Water Supply Scheme (Solar Pumping) hi December ni 17, 2021 khan HS Construction ten thawk \anin November ni 16, 2022 khan hna hi thawh zawh a ni a. Libial Kawr tui chu ni zung chakna hmanga lak niin, Solar Panel 60, 19.8 kWp a chak hmanga thuam a ni a. A pump-na hmun bakah khawchhungah tui dahkhawlna litre 100,000 dawng siam a ni. Chawngtlai WSS hi mihring 3,347 chawm zo tura ruahman niin tun dinhmunah JJM kaltlangin In 394-ah tui pek mek a ni a. Libial Kawr tui lakna bakah hian NABARD leh JJM a\angin Chawngtlai tuilakna \hin hmun pali te chu pipe lian zawk 80mm a thlak vek an ni bawk.

Chawngtlai Water Supply Scheme (Solar Pumping) hawnna puala inkhawm Nikuala Hall, Chawngtlai-a neih ah Deputy Chief Minister Tawnluia chuan Chawngtlai mipui ten tuilakna \ha tak an nei thei chu a lawmpui thu a sawi a, a hlawhtlin nan a hmalatu Department thawktute chu fakawm a tih thu a sawi bawk. Chawngtlai khua chu Mizo hnam zia leh nunphung chawisan leh vawng nun kawngah an entawntlak hle tih pawh sawiin, Mizo hnam thinlung pua ngaisang zel turin a chah bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man