Home Department hmasawnna tarlanna bu tlangzarh

Kum 2018-2023 inkar chhunga Home Department hlawhtlinna hrang hrang tarlanna bu chu nimin khan Home Minister Lalchamliana chuan a tlangzarh.

Home Department Achievement Report bu tlangzarhna hun Taxation Auditorium-a neih ah hian Home Minister Lalchamliana chuan a Department enkawl Secretariat leh Directorate lama Officials \ha tak tak zarah an mawi tih sawiin, thinlung takin Department hnuaia thawktu zawng zawngte chungah lawmthu a sawi a. Mizoram Police-ah Quality \ha a awm theih nan theihtawp chhuah zel a nih thu sawiin, “Kan Police te Traffic emaw, Policing leh ramri ven kawngah an chhuanawm takzet a, an kal zelna turah duhsakna ka hlan a ni,” a ti bawk.

Home Department Addl. Secretary Joseph Lalramsanga MCS chuan kum 2018-2023 chhunga Achievement report a bu-a an buatsaih dan tlangpui a tarlang a. Editorial Board indinin Home Department hnuaia Directorate hrang hrang Forensic Science Laboratory, Sainik Welfare & Resettlement, Mizoram Home Guards & Civil Defence, Prisons, Fire & Emergency Services bakah PHQ a\angin an hnathawh leh hmalakna te chu a bu chhungah hian dahluh a nih thu a sawi. He hunah hian Home Department hnuaia Directorate hrang hrangte'n Report pein Central YMA hruaitute pawhin thu an sawi bawk a ni.

Comments

Popular News (Last 30 Days)

Vawiin-ah HSSLC Exam result