Flatted Factory Complex dinna tur lungphum phum

Mizoram District pali (4)-a Building pakhat a Industrial Unit hrang hrang awm theihna Flatted Factory Complex dinna tur lungphum chu nimin khan Commerce & Industries Minister Dr. R. Lalthangliana chuan Aizawl Lungmual-a Industrial Growth Complex-ah a phum.

Hemi puala Inkhawm neih ah Dr. R. Lalthangliana chuan he Project kaltlang hian mi in awlsam zawkin Industry an din theih phah tur thu leh Industry din thar duhte’n building leh hmunhma buatsaihna atana sum tam tak an sen ngai \hin a chhawk zangkhai tur chu lawmawm a tih thu a sawi a. He Flatted Factory Complex dinna tur sum hmuh hi sawrkar laipuii 90% tumin State sawrkar in 10% a lo do let ve tur a ni a. Sum indaihlohna karah State in a \angkaipui tur thilah chuan sawrkar chuan a ngaih pawimawh thu a sawi bawk.

Flatted Factory Complex sakna tur hi sawrkar laipui-a Ministry of MSME a\anga sum hmuh hmanga din tur niin IGC Luangmual, Aizawl; IIDC Pukpui, Lunglei; IIDC Zote, Champhai leh DIC Complex, Kolasib-ah te he Complex hi sak tum a ni a. Heng Factory Complex pali-ah hian Factory space 113 awm tura ruahman niin hmanraw pawimawh engemaw zat dah nghal tura ruahman a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar