Boxing inelna sawn hnai

Tun thla ni 19-21 chhung khian ‘Inter Branch YMA Boxing Championship 2023’ chu Serchhip Boxing Hall-ah khelh a ni dawn.
Serchhip Sub-Hqrs. YMA leh Serchhip District Boxing Association (SEDBA) tangkawpin an buatsaih tur ‘Inter Branch YMA Boxing Championship 2023’ hi a tirah November thlaa neih tura ruahman ni mah se Serchhip Boxing Hall chu Inthlanpui neih tur kaihhnawih ah mamawhna a awm avangin a hun hi sawn hnaih a ni dawn nia thudawn a ni a, tun thla ni 19 atanga 21 chhung khian a hmun ngai ah khelh tura ruahman a ni.

Inter Branch YMA Boxing Championship neih turah hian kum bithliah awm lovin a duh apiang tel theih a ni a, Mipa leh Hmeichhia kg. 30 leh kg. 85 inkar tan Weight Category hrang hrangah inelna neih tur niin Boxing khel tawh thin leh Boxing khel ngai miah lo te chu Weight Category then hran tura ruahman a ni bawk a. He intihsiakna a tel Branch YMA te hnenah hian lawmman siam tura ruahman a nih bakah Gold leh Silver la phakte tan lawmman siam a ni dawn bawk a. Gold Medal la tam ber leh Boxer tel tam ber Branch te hnenah pawh lawmman pek tura ruahman a ni bawk.

Hetianga Boxing Championship neih hun tur sawn hnaih a nih avang hian a tel turte tan pawh a hrana inhriattir ngai lovin Oct. 19, 2023 zing dar 7:00 khian Boxing Hall-ah inbuk leh Medical Test nei tura kal tur a ni ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man