Aizawl New Market sak mek Deputy CM in a tlawh

Aizawl Smart City hnuaia Aizawl New Market (Modernisation of Bara Bazar) sak mek chu nimin khan UD&PA Department changtu Deputy Chief Minister Tawnluia chuan a hmunah a tlawh.

Aizawl New Market building thar sak mek hi 'City Centre at Bara Bazar, Aizawl' tiin Aizawl Smart City Limited chuan Smart City Mission hnuaiah a sak hna hi a thawk mek a. Project approved cost hi cheng vbc. 41.59 niin Lushai Engineers te chuan he hna hi thawkin thutna/sumdawng mi 1105 leng tura buatsaih a ni. 

Nimin-a helai hmun a tlawhna ah hian Deputy Chief Minister chuan Building sak mek chu a len leh a rih dawn em avangin a lei ngheh leh ngheh loh Geology & Mining mithiam Mizoram mai bakah Mizoram pawn lam mite rawn an ni tih sawiin, Smart City project anih avangin a sakna tur sum pawh awmsa a nih thu leh Contractor te pawh an sak zawh rual ruala sum pek tlak theih anih thu a sawi a. Smart City Project chu nakum June thleng chauh a nih thu sawiin, Building sak vanga New Market chhunga eizawngte leh a bulhnaia sumdawngte tan harsatna a awm anih pawhin hrethiam hram hram turin a ngen bawk. He hunah hian bialtu MLA Robert Romawia Royte chuan Deputy CM hi a tawiawm a ni.

Comments

Popular News (Last 30 Days)

LPG man bithliah thar