Zoram Thar Zofate Lairelna Inpui in Manipur tanpui

Zoram Thar Zofate Lairelna Inpui hruaitute chu Manipur Zofate hnenah tanpuina hlanin Manipur-ah an cham mek.

    Zoram Thar Zofate Lairelna Inpui hruaitute hian an hruaitu Rev. Dr. Zaichhawna Hlawndo hovin tunkar Thawhtanni zan khan Lamka thlengin Thawhlehni khan ITLF hruaitute leh Lamka Joint Artistes te nen Frontline leh Relief hmunte tlawhin tanpuina Dal, Chana, Sa leh damdawi hrang hrang te an sem a. Relief Centre leh Front Line paruk Chingphei, Sehping, P. Geljang, Pangjang, S. Lonphai leh Khousabung te an tlawh bawk. Nimin khan Martar te hriatrengna hun an hmanna, Wall of Remembrance-ah thu sawi lehin, Zofate kan party, pawl leh chibil indaidanna thiat zelin, Krista tan kan inpumkhat a tul takzet thu an sawi a. Zofate zawng zawng Pathian remruat ang zela kan independent tur thu leh Manipura Zofate tawrhna a thlawn dawn loh thu te an sawi bawk a ni.