Latest News

Ui a hri danna pek theih

World Rabies Day pualin Vawiin hian Serchhip District chhunga khaw paruk (6)-ah a thlawna Ui a hri danna pek a ni dawn.
Serchhip District AH & Vety Officer Dr. R. Lalmakthanga hnen atanga thu kan dawn danin Vawiin September 28, 2023 hi World Rabies Day niin he ni den-chhen hian Serchhip District-a AH&Vety Department chuan a thlawnin Ui a hri danna in Ui an chiu dawn a, Ui vulhtu ten ngai pawimawhin lo chhawr tangkai ngei tura beisei an nih thu a sawi bawk. Ruahman lawk ang chuan Serchhip a Vety Hospital-ah tukin dar 9:30 atanga chhun dar 12:00 thlengin Ui chiu tir theih a ni dawn a, Chhiahtlang North VC Hall, Vety Dispensary East Lungdar leh Vety Dispensary, Chhingchhip-ah chawhma dar 10:00 atanga chhun dar 12:00 thleng hun hawngin Thenzawl-a Vety Dispensary-ah zing dar 9:00 atanga chhun dar 12:00 thleng leh Sanpoh Kawn, North Vanlaiphai-ah zing dar 7:00 atanga zing dar 9:00 thlengin Ui chiu tir theih a ni ang.

Comments

Popular News (Last 30 Days)