Tun thla tawp thlenga hman tur Rastriya Poshan Maah hawnna neih a ni

Tun thla ni 6 atanga tun thla chhung zawnga kalpui tur Chaw tha leh hrisel ei inzirtir uar thla, Rastriya Poshan Maah - National Nutrition Month-2023 chu nimin khan Social Welfare & Tribal Affairs (SW&TA) Minister Er. Lalrinawma chuan Aizawl-ah a hawng a, kumin hian 'Suposhit Bharat, Sakshar Bharat, Sashakt Bharat - Well-Nourish India, Literate India, Strong India (Chaw tha leh zirna tha nena thuam chak India)' tih chu thupui atan hman a ni ang. Poshan Maah (Nutrition Month) hi Ministry of Women & Child Development hnuaia Nutrition Mission lian tak Poshan Abhyiaan hmalakna zinga program pawimawh tak niin, kum 2018 atang khan kumtin India ram hmun hrang hrangah September thla chhungin hman tthin a ni a, kumin hian hmalakna tur chi 7 ruahman niin mipui vantlang kawng hrang hranga inzirtirna neih leh a ni ang.